Праваабаронцы за свабодныя выбары

Назіранне за выбарамі Прэзідэнта Рэспублікі Беларусь ажыццяўляецца актывістамі РПГА «Беларускі Хельсінкскі камітэт» і ПЦ "Вясна" ў межах кампаніі "Праваабаронцы за свабодныя выбары».

Юры Шульган і Павал Канавальчык аштрафаваныя на 30 базавых кожны за "дробнае хуліганства". 21 ліпеня адбудзецца працяг судовага паседжання.

20 ліпеня ў Смаргоні 15 хвілін працягвалася сумеснае пасяджэнне райвыканкама і прэзідыума раённага Савета з нагоды фармаванння раённай камісіі па выбарах Прэзідэнта. Усяго было 15 прэтэндэнтаў на 13 месцаў у камісіі.

Трапіць на паседжанні па стварэнні камісій спрабавалі праваабаронцы Павел Левінаў і Леанід Свецік. Абодвум адмовілі, паведаміўшы, што "маніторынг пасяджэнняў не дазволены заканадаўствам".

Цэнтральная камісія Беларусі па выбарах і правядзенні рэспубліканскіх рэферэндумаў завяршыла сёння рэгістрацыю ініцыятыўных груп па вылучэнні кандыдатаў на пасаду Прэзідэнта, перадае карэспандэнт БЕЛТА.

Па словах праваабаронцы, яго папрасілі пакінуць памяшканне, спаслаўшыся на тое, што арт. 34 ВК не дазваляе прысутнічаць прадстаўнікам грамадскіх арганізацый на пасяджэнні па фарміраванні ТВК, калі яны не вылучылі сваіх прадстаўнікоў у склад выбарчай камісіі.

У склад абласной ТВК было ўключана 13 чалавек, галасавалі за іх персанальна. Вылучана ў склад ТВК было 19 асоб, аднак адміністрацыя не рэкамендавала астатніх 6 чалавек для галасавання.

Усе афіцыйныя сайты райвыканкамаў Віцебшчыны надрукавалі інфармацыю пра вызначэнне месцаў, забароненых для арганізацыі пікетаў па зборы подпісаў за вылучэнне кандыдатаў на прэзідэнцкія выбары. Толькі на Аршаншчыне гэта застаецца таямніцай.

Бялыніцкі райвыканкам вызначыўся з месцамі, забароненымі для правядзення пікетавання з мэтай збору подпісаў выбаршчыкаў за вылучэнне кандыдатаў у прэзідэнты.

Дзіўна, але Смаргонскі райвыканкам у спіс забароненых месцаў не ўключыў мясцовае аддзяленне КДБ і Смаргонскі РАУС, парадныя ўваходы ў якія знаходзяцца праз дарогу ад будынка суда, у 20-30 метрах.

Па стане на 18 ліпеня на пяці райвыканкамаўскіх інтэрнэт-сайтах Магілёўскай вобласці з 21-го немагчыма знайсці рашэнні мясцовых райвыканкамаў аб вызначанні месцаў, якія забаронены для правядзення пікетаў з мэтай збору подпісаў у падтрымку кандыдатаў у прэзідэнты.

На тле падобных суворых амбежаванняў рашэнне Слуцкага райвыканкаму выглядае верхам лібералізму. “Зону адчужэння” для збору подпісаў каля ўстановаў і арганізацый гораду тут абмежавалі адлегласцю “ўсяго толькі” у 20 метраў.

Паводле раскладу выбарчай кампаніі, мясцовыя выканаўчыя і распарадчыя органы павінны былі не пазней за 17 ліпеня вызначыцца з месцамі, дзе на тэрыторыі адпаведнай адміністрацыйнай адзінкі будзе забаронена ладзіць пікеты з мэтай збору подпісаў.

Затрыманага Юрыя Шульгана вінавацяць у дробным хуліганстве і ў з'яўленні ў грамадскім месцы ў стане ап'янення.

Сёння Алесь Бяляцкі, Алег Гулак і Уладзімір Лабковіч сустрэліся з саветнікамі ацэначнай місіі БДІПЧ АБСЕ Уладзімірам Місевым і Таццянай Багусевіч.