Праваабаронцы за свабодныя выбары

"Праваабаронцы за свабодныя выбары" правялі маніторынг і аналіз стварэння тэрытарыяльных выбарчых камісій для правядзення прэзідэнцкіх выбараў, па выніках якіх была падрыхтавана справаздача.

Сёння сябрам ініцыятыўнай групы Анатоля Лябедзькі ахоўнікі на рынку Ждановічы не далі збіраць подпісы за рэгістрацыю лідэра АГП кандыдатам у прэзідэнты.

24 ліпеня баранавіцкія прыхільнікі Аб’яднанай грамадзянскай партыі разам са сваім лідэрам Анатолем Лябедзькам распачалі збор подпісаў. Учора з’явіліся таксама першыя пікеты па збору подпісаў за Таццяну Караткевіч і Сяргея Калякіна.

Пікеты па зборы подпісаў за прэтэндэнтаў у прэзідэнты Таццяну Караткевіч, Анатоля Лябедзьку, Віктара Цярэшчанку і Аляксандра Лукашэнку кампактна размясціліся ў першы дзень збору подпісаў у Мінску каля сталічнага ГУМа і універсама “Цэнтральны” .

23 ліпеня ў Бабруйску выставілі першыя пікеты па зборы подпісаў. Пакуль выйшлі ў народ толькі сябры ініцыятыўных груп Анатоля Лябедзькі і Аляксандра Лукашэнкі. На выходныя ў пікеты плануюць таксама выйсці і прыхільнікі Таццяны Караткевіч.

Праваабаронца Сяргей Гоўша накіраваў скаргу ў Брэсцкі аблвыканкам на дзеянні райвыканкама і раённага Савета дэпутатаў падчас фармавання Баранавіцкай раённай выбарчай камісіі.

Сур’ёзнай актыўнасці прэтэндэнтаў на пасаду прэзідэнта краіны ў беларускай сталіцы шахцёраў пакуль не назіраецца. 23 ліпеня толькі ініцыятыўная група па зборы подпісаў у падтрымку Анатоля Лябедзькі выставіла пікет каля рынку “Кастрычніцкі”.

На Аліну Літвінчук склалі адразу два адміністратыўныя пратаколы.

Знешняя актыўнасць выбарцаў назіралася не вельмі высокай. Нейкіх эксцэсаў ці перашкодаў для збору подпісаў у першы дзень таксама не назіралася. Адзінай перашкодай былі кароткачасовыя навальніцы з дажджом.

Праваабаронца Валянцін Стэфановіч у перадачы «Інтэрвію тыдня» распавёў, пра што казала Лідзія Ярмошына ў Вене, ці будуць гэтыя прэзыдэнцкія выбары адрозьнівацца ад ранейшых, чаму ўлады паставілі па-за законам заклікі да байкоту і ці сапраўды некаторыя палітыкі ў Эўропе хочуць пайсьці насустрач афіцыйнаму Менску.

Прадстаўнікі ініцыятыўных груп у падтрымку вылучэння Аляксандра Лукашэнкі, Таццяны Караткевіч, Сяргея Калякіна былі заўважаны на найбольш шматлюдных гарадскіх пляцоўках. Паводле словаў саміх сябраў ініцыятыўных груп, збор подпісаў пакуль ідзе стрымана.

Дзмітрый Ражкоў дадаў, што орган, які стварае камісію, не абавязаны даваць тлумачэнні з нагоды уключэння ці неўключэння таго ці іншага грамадзяніна ў камісію. «Было 24 прэтэндэнты, уключылі 13, канечне, нехта застанецца незадаволены», - адзначыў начальнік упраўлення.

Адна жанчына перадпенсійнага ўзросту прызналася, што баіцца, бо «потым з КДБ не выберашся». Яе спадарожнік адзначыў, што згодны галасаваць за любога кандыдата, толькі не за цяперашняга прэзідэнта.

Паўла Левінава дэлегавалі дзве групы выбаршчыкаў, якія хацелі бачыць яго ў ліку чальцоў Першмайскага раённай выбарчай камісіі Віцебска і Віцебскай абласной камісіі.

23 ліпеня - першы дзень збору подпісаў ініцыятыўнымі групамі за кандыдатаў у прэзідэнты. Збор подпісаў будзе адбывацца амаль месяц - да 21 жніўня.