Праваабаронцы за свабодныя выбары

Назіранне за выбарамі Прэзідэнта Рэспублікі Беларусь ажыццяўляецца актывістамі РПГА «Беларускі Хельсінкскі камітэт» і ПЦ «Вясна» ў рамках кампаніі «Праваабаронцы за свабодныя выбары».

Гэта вынікае з адказу на скаргу магілёўскага праваабаронцы Аляксея Колчына, які накіраваў скаргу ў Цэнтрвыбаркам з прычыны таго, што старшыня Магілёўскай абласной выбарчай камісіі Валеры Берастаў на беларускамоўныя скаргі адказвае па-руску.

З 14 жніўня ў Бабруйску з’явіліся пікеты і сяброў ініцыятыўнай групы Мікалая Улаховіча. Яны абралі месца каля ўваходу на цэнтральны рынак, побач са скульптурай Бабра. У выходныя тут таксама можна было ўбачыць два пікеты ў падтрымку Таццяны Караткевіч і адзін за Анатоля Лябедзьку.

Інфармацыі пра збор подпісаў за альтэрнатыўных прэтэндэнтаў у дзяржаўных раённых газетах амаль няма. Як выключэнне пра працу ініцыятыўнай групы Анатоля Лябедзькі ёсць згадка ў адной інфармацыі “Ашмянскага весніка”.

Валянціна Шчэтнікава і Алесь Шаўцоў збіралі подпісы ў падтрымку прэтэндэнта ў кандыдаты ў прэзідэнты Таццяны Караткевіч на Віленскім рынку. Удзельнічала і сама Караткевіч - на працягу гадзіны яна размаўляла з магілёўцамі. Пасля яе ад'езду пачаліся праблемы.

Пікеты па збору подпісаў за вылучэнне кандыдатаў у прэзідэнты ў Бярозе праводзілі толькі ініцыятыўныя групы Аляксандра Лукашэнкі і Таццяны Караткевіч. Апошнія дні подпісы за дзеючага прэзідэнта ў пікетах ужо не збіраюць.

У двух раёнах Бабруйску сфармавалі 106 выбарчых участкаў: 51 у Ленінскім і 55 у Першамайскім. З іх 36 участкаў дзеляць памяшканне з іншымі, усе "двайняты" знаходзяцца ў навучальных установах.

Увогуле ў Брэсцкай вобласці створана 939 участкаў для галасавання на выбарах прэзідэнта Беларусі, і ў параўнанні з папярэднімі выбарамі ў 2010 годзе іх будзе на 47 участкаў менш.

Каардынатар кампаніі “Праваабаронцы за свабодныя выбары” Уладзімір Лабковіч накіраваў у Цэнтральную выбарчую камісію і пракуратуру скаргу на парушэнне заканадаўства Рэспублікі Беларусь.

На ўчастку №32, размешчаным у ЛПП у Светлагорску, датэрміновага галасавання не будзе. Таксама на базе аддзелаў унутраных спраў выдзелена 20 памяшканняў для галасавання (выязнымі камісіямі з замацаваных выбарчых участкаў): арыштны дом СІЗА (Гомель), арыштны дом калоніі №20 (Мазыр), 18 ІЧУ.

Каля 20 вечара 12 жніўня быў затрыманы Леанід Дубаносаў, які збіраў подпісы за патэнцыйнага кандыдата ў прэзідэнты Таццяну Караткевіч. Затрыманне супрацоўнік міліцыі абгрунтаваў нібыта званком у міліцыю, што Дубаносаў збірае подпісы ў стане алкагольнага ап’янення.

Па словах сябра БХК Віталя Амяльковіча, ад пачатку кампаніі па зборы подпісаў у Слуцку былі зафіксаваныя ўсяго некалькі пікетаў за Аляксандра Лукашэнку і адзін пікет за Анатоля Лябедзьку. Інфармацыя аб якім-небудзь сур’ёзным зборы подпісаў па кватэрах да мясцовых праваабаронцаў таксама не даходзіла.

Мінская гарадская выбарчая камісія папрасіла кіраўніка ініцыятыўнай групы Анатоля Лябедзькі Віктара Карнеенку не распаўсюджваць агітацыйную інфармацыю і трымацца закона, на што атрымала ад яго адмову і прапанову мяняць недасканалае заканадаўства.

У Дзень народзінаў Міколы Статкевіча бабруйскія зборшчыкі подпісаў вырашылі нагадаць пра палітвязня гараджанам. Сябры ініцыятыўных груп Анатоля Лябедзькі і Таццяны Караткевіч апранулі цішоткі з выявай палітыка, а таксама размясцілі яго партрэты на сваіх стэндах.

Прадстаўнікі адміністрацыі забаранілі рабочым падпісвацца ў падтрымку іншых прэтэндэнтаў у прэзідэнты, акрамя Аляксандра Лукашэнкі, а таксама настойваюць, каб галасавалі выключна за яго. Як яны будуць кантраляваць галасы выбаршчыкаў – інфармацыя не раскрываецца.