Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Да пачатку галасавання засталося:

У Акцябрскім раёне па дадзеных ЦВК за Караткевіч прагаласавалі 94 чалавекі, а па пратаколу толькі на адным участку — больш за 200 (дакументы)

Чарговыя разыходжанні пратаколаў з дадзенымі ЦВК зафіксаваны ў Акцябрскім раёне Гомельскай вобласці. 0,88 % - столькі па афіцыйных дадзеных ЦВК атрымала галасоў выбаршчыкаў Таццяна Караткевіч у Акцябрскім раёне. У лічбах гэта — 94 бюлетэні са ўсяго раёну. За «галоўнага» кандыдата тут аддалі больш за 10 тысяч галасоў. І ён рашуча перамог, атрымаўшы больш за 97%.

Назіральнікам на ўчастку №2 Акцябрскага працаваў Андрэй Павук. Па пратаколу, які сфатаграфаваў назіральнік, толькі на ўчастку №2 за Караткевіч прагаласавалі больш за 200 чалавек (фота).

Па словах Андрэя Павука, датэрмінова на ўчастку №2 прагаласавалі 511 жыхароў райцэнтру, па месцы жыхарства – 42 чалавекі, і ў асноўны дзень 509 выбаршчыкаў. «Пасля падліку бюлетэняў было заўважана, што па выніках датэрміновага галасавання за Лукашэнку было 76%. Па выніках галасавання па месцу жыхарства за яго ж прагаласавалі 74%, а ў асноўны дзень – толькі 58%. Але вынік такі – 97%», - пракаментаваў дзіўную арыфметыку назіральнік.

“Праваабаронцы за свабодныявыбары”


Каментары