Баранавічы: старшыня гарадской ТВК адмовілася даць інфармацыю недзяржаўнай газеце “Intex-press” аб колькасці датэрмінова прагаласаваўшых
Старшыня Баранавіцкай гарадской тэрытарыяльнай выбарчай камісіі Тамара Шукала “на ведае” колькасці датэрмінова прагаласаваўшых на выбарчых участка горада. Яна адмовілася даць інфармацыю карэспандэнту недзяржаўнай газеты “Intex-press” Макару Маліноўскаму аб колькасці датэрмінова прагаласаваўшых у Баранавічах, спаслаўшымя на тое, што не валодае гэтай інфармацыяй. На пытанне, як Цэнтральная выбарчая камісія атрымлівае гэтыя звесткі і абвяшчае вынікі датэрміновага галасавання, Тамара Шукала адказала:
– Я не ведаю, магчыма, участкі самі перадаюць ЦВК гэтую інфармацыю.
Карэспандэнт недзяржайнай газеты “Intex-press” звярнуўся да сакратара Цэнтральнай выбарчай камісіі Мікалая Лазавіка з просьбай патлумачыць, хто збірае дадзеную інфармацыю. Па словах сакратара ЦВК, усе дадзеныя аб датэрміновым галасаванні ў Баранавічах павінны быць у старшыні гарадской тэрытарыяльнай выбарчай камісіі Тамары Шукала. Мікалай Лазавік падкрэсліў, што па іншаму і быць не можа.
Неабходныя дадзеныя аб колькасці датэрмінова прагаласаваўшых у Баранавічах для недзяржаўнай газеты “Intex-press” назваў старшыня Брэсцкай абласной выбарчай камісіі Аляксандр Каляда. Ён адзначыў, што гэтыя звесткі ў вобласць накіроўваюцца з Баранавіцкай гарадской ТВК.
фота: Тамара Шукала вядзе паседжанне Баранавіцкай ТВК
