У Брэсце смс з заклікам галасаваць на выбарах дасылаюць нават замежным грамадзянам
У апошнія дні шмат хто з жыхароў горада атрымаў смс-паведамленне нібыта з “выбаркама” (менавіта так пазначаны кантакт таго, хто дасылае тэкст на мабільны тэлефон).
Паведамленне ўтрымлівае заклік да абанента мабільнай сувязі браць удзел у галасаванні, бо “твой голас важны”. Большасць тых, хто атрымаў такі тэкст, здзіўлены настойлівасцю арганізатраў выбараў і лічаць гэта спробамі дамагчыся яўкі людзей на ўчасткі для галасавання.
Але самае цікавае, што такія смс-паведамленні атрымліваюць не толькі грамадзяне Беларусі, але і іншых дзяражаў, якія стала жывуць у нашай краіне. Напрыклад, брэсцкім праваабаронцам вядома пра тое, што смс са згаданым тэкстам было даслана грамадзянцы Малдовы, якая мае від на жыхарства у Беларусі, але не можа браць удзел у выбарах.
Тым не менш, праваабаронцы не выключаць выпадкаў удзелу у галасаванні іншаземцаў, бо Цэнтрвыбаркам сваёй пастановай дазволіў выдаваць выбарчыя бюлетэні не толькі па пашпартах, але і па ваенных і студэнцкіх білетах, пасведачаннях кіроўцы альбо інваліда.
