Магілёўскі праваабаронца лічыць, што адсутнасць індывідуальных запрашэнняў на выбары – не выпадковая
Магілёўскі праваабаронца Барыс Бухель лічыць, што адсутнасць індывідуальных запрашэнняў на выбары з’яўляецца адным з новых прынцыповых адрозненняў гэтай выбарчай кампаніі ад усіх папярэдніх.
- Раней, у запрашэнні прыйсці на выбары пазначалася колькасць усіх паўнагадовых, якія пражываюць у кватэры, а таксама пісаліся прозвішчы і ініцыялы выбаршчыкаў. Калі нешта было не так, альбо некага не ўнеслі ў спіс для галасавання, то грамадзянін мог патэлефанаваць альбо прыйсці ва ўчастковую выбарчую камісію і падкарэктаваць звесткі. Цяпер пра адсутнасць сябе ў спісе выбаршчыкаў звычайны грамадзянін, які жадае прагаласаваць, даведаецца, калі прыйдзе спецыяльна на ўчастак або ў дзень выбараў, - гаворыць Барыс Бухель.
Праваабаронца мяркуе, што калі няма выбаршчыка ў спісе, то і няма і праблемы, бо праз адсутнасць людзей у спісе можна гуляць на паказчыках яўкі выбаршчыкаў на ўчастках.
Адметна таксама і тое, што ў беларускамоўным запрашэнні прыйсці на выбары адрас выбарчага ўчастка, а таксама назва будынка, у якім ён размяшчаецца друкуецца на рускай мове. На думку Барыса Бухеля, гэта з’яўляецца парушэннем заканадаўства – беларускамоўныя бланкі мусяць запаўняцца на беларускай мове.
Фота - запрашэнне з міунлых выбараў і з цяперашніх
