У Брэсцкай вобласці райвыканкамы паведамляюць пра сустрэчы з даверанымі асобамі толькі кандыдата А. Лукашэнкі
Адпаведная інфрамацыя змешачана на некаторых афіцыйных інтэрнэт-старонках раённых выканаўчых камітэтаў рэгіёна ў адмысловай рубрыцы “Выбары-2015”.
Так, на сайце Камянецкага райвыканкама паведамляецца, што ў Дзмітравічскім вясковым Доме культуры адбудзецца сустрэча выбаршчыкаў з даверанай асобай кандыдата ў прэзідэнты Аляксандра Лукашэнкі – кіраўніком ААТ “Белавежскі” Юрыям Марозам. Інтэрнэт-старонкі іншых райвыканкамаў паведамляюць пра сустрэчы гэтай асобы ў Жабінкоўскім (у Хмеляўскім вясковым Доме культуры і СПК “Вазнясенскі”) і Маларыцкім раёнах (у Дамах культуры вёсак Гвозніца і Хаціслаў).
Інфармацыя пра час і месца сустрэч давераных асоб Аляксандра Лукашэнкі таксама змешчана на сайтах іншых райвыканкамаў. Напрыклад, пра тое, калі давераная асоба гэтага кандыдата Таццяна Якубовіч сустракаецца з выбаршчыкамі ў Івацэвіцкім гарадскім Доме культуры), альбо пра спатканні даверанай асобы Алега Вялічкі ў Брэсцкім раёне (у ТАА “Заходні” і ТАА “Брэстаграздраўніца”) і абласным цэнтры (у гімназіі №3 города Брэста).
Пра тое, ці ладзяць сустрэчы з выбаршчыкамі давераныя асобы іншых кандыдатаў у прэзідэнты, не паведамяе ні адзін сайт райвыканкамаў Брэсцкай вобласці. Між тым старшыня Цэнтрвыбаркама Лідзія Ярмошына адзначыла, што найбольшая колькасць заявак, каб ладзіць такія сустрэчы, паступіла ад выбарчага штаба Таццяны Караткевіч.
