Баранавічы: гарадскія ўлады для агітацыі ўпершыню дазволілі выкарыстаўваць стадыён “Лакаматыў”
Баранавіцкі гарвыканкам прыняў адразу тры рашэнні: “Аб выдзяленні памяшканняў для арганізацыі сустрэч кандыдатаў у прэзідэнты з выбаршчыкамі”, “Аб вызначэнні месцаў для размяшчэння агітацыйных друкаваных матэрыялаў” і “Аб вызначэнні месцаў для правядзення масавых мерапрыемстваў кандыдатамі ў прэзідэнты”. Гэтая інфармацыя ўжо з’явілася на афіцыйным сайце гарвыканкама.
Новым і нечаканым у арганізацыі сустрэч выбаршчыкаў з кандыдатамі ў прэзідэнты стаў той факт, што гарадскія ўлады дазволілі ўпершыню выкарыстаўваць стадыён “Лакаматыў”.
Акрамя гарадскога стадыёна для правядзення масавых мерапрыемстваў кандыдатамі ў прэзідэнты і іх даверананымі асобамі гарвыканкам выдзяліў малады парк (вул. Камсамольская 10) і тры маленькія скверы: імя Сцепанішчава па вуліцы Кірава, сквер каля памятнага знака “Воінам артылерыстам”, сквер каля Крыжа сталінскіх ахвяр 1939-1953 гг. Большасць дазволеных месцаў знаходзяцца на перыферыі горада і тут вельмі мала людзей, а ў старым парку (вул. Камсамольская, 63) нават няма грамадскай прыбіральні.
Калі гаварыць пра месцы для размяшчэння агітацыйных друкаваных матэрыялаў, то гэта рэкламна-агітацыйныя тумбы (іх усяго дзве ў цэнтры горада), інфармацыйныя стэнды дзяржыўных і прыватных крамаў, ЖЭСаў і куткі выбаршчыкаў у бібліятэках, якія застаюцца незаўважанымі наведвальнікамі крамаў і бібліятэк.
Што тычыцца памяшканняў для сустрэч выбаршчыкаў з кандыдатамі ў прэзідэнты, то гарадскія ўлады выдзялілі памяшканні гарадскога дома культуры і палаца культуры тэкстыльшчыкаў, а таксама традыцыйна выдзяляюцца меленькія залы жыллёва-камунальных службаў.
