Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Да пачатку галасавання засталося:

У Кобрыне з’явіліся налепкі з заклікам байкатаваць выбары (фота)

Такім чынам мясцовыя актывісты выказалі сваё стаўленне да сёлетняй выбарчай прэзідэнцкай кампаніі ў Беларусі.

Налепкі “Байкот” з'явіліся ў самых ажыўленых месцах па ўсім горадзе, а таксама непасрэдна на шматкватэрных дамах Кобрына. Яны адразу кідаюцца ўвочы, бо да пачатку агітацыйнага этапа выбарчай кампаніі мясцовыя жыхары амаль не маюць звестак пра верагодных прэтэндэнтаў на прэзідэнцкую пасаду, акрамя дзеючага кіраўніка дзяржавы: збор подпісаў за вылучэнне кандыдатаў прайшоў у горадзе зусім непрыкметна для грамадскасці.

Варта дадаць, што налепкі і графіці з заклікам да байкоту цяперашніх прэзідэнцкіх выбараў апошнімі днямі рэгулярна з’яўляюцца і ў іншых невялікіх гарадах Брэсцкай вобласці (Жабінцы, Камянцы, Высокім, Лунінцы), дзе не былі заўважаныя сябры ініцыятыўных груп альтэрнатыўных прэтэндэнтаў у прэзідэнты Беларусі.

“Праваабаронцы за свабодныя выбары”


Каментары