За вылучэнне Сяргея Гайдукевіча збор подпісаў завершаны
Ліберальна-дэмакратычная партыя Беларусі скончыла збор подпісаў за вылучэнне свайго пртэндэнта ў кандыдаты, назбіраўшы, па словах Сяргея Гайдукевіча, прыкладна 120 000 галасоў. Апошні пікет па зборы подпісаў у Мінску быў зняты ў панядзелак.
– Калі хтосьці кажа, што здасць подпісы ў апошні дзень – гэта хлусня. Здаваць подпісы маюць права толькі кіраўнікі штабоў ініцыятыўных груп. У 9 раёнах Мінску яшчэ можна здаць за адзін дзень, а як гэта зрабіць адразу за ўсю Беларусь?! Подпісы павінны здавацца па меры паступлення, – упэўнены Сяргей Гайдукевіч. – Толькі па Мінску мы здавалі подпісы ў выбарчую камісію на працягу чатырох дзён. Калі штосьці яшчэ будз з’яўляцца пазней, то проста даздамо іх, а так мы спецыяльна вырашылі перапыніць збор галасоў загадзя.
Прэтэндэнт у прэзідэнты дадаў, што ЛДПБ – самастойная палітычная сіла, і подпісы збіралі толькі члены партыі – не было ніводнага валанцёра, што спрасціла і палепшыла працэс.
