Запушчаны афіцыйны сайт “Выбары-2015”
Пра запуск спецыялізаванага сайту “Выбары-2015” паведаміла ЦВК 23 ліпеня на сваім афіцыйным сайце.
Зараз на сайце “Выбары-2015” адлюстроўваецца інфармацыя пра ініцыятыўныя групы кожнага з магчымых кандыдатаў, а таксама навіны і афіцыйныя матэрыялы (перанакіроўваецца на сайт ЦВК).
Для кожнай ініцыятыўнай групы распісаныя не толькі каардынатары па вобласцях, але і пададзеныя спісы сябраў. Так, не ўлічваючы каардынатараў, для групы А. Лукашэнкі такі спіс складаецца з 10 430 чалавек, для групы С. Гайдукевіча – 2 393, Т. Караткевіч – 1 922, С. Калякіна – 1 446, М. Улаховіча – 1401, А. Лябедзькі – 977, В. Цярэшчанкі – 916, Ж. Раманоўскай – 93. Цікава, што за некаторых кандыдатаў падпісваліся не толькі асобныя людзі, а цэлыя сем’і. Аднак, ніякай інфармацыя пра саміх кандыдатаў пакуль няма.
Сайт працуе толькі ў адной моўнай версіі – рускай. Акрамя таго, ніяк не пазначана, хто і па чыёй замове ствараў гэты сайт.
