Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Да пачатку галасавання засталося:

Бярозаўскі райвыканкам пашырыў месцы, забароненыя для збору подпісаў за кандыдатаў у прэзідэнты РБ

Рашэнне Бярозаўскага райвыканкама №719 ад 08.07.2015 пашырае колькасць месцаў, забароненых для пікетавання з мэтаю збору подпісаў выбаршчыкаў па вылучэнні кандыдатаў у прэзідэнты.

У 2010 г. забаранялася збіраць подпісы бліжэй 50 м ад будынкаў органаў мясцовага кіравання і самакіравання, тэрыторый арганізацый, якія забяспечваюць абароназдольнасць і бяспеку дзяржавы, а таксама жыццядзейнасць насельніцтва (прадпрыемствы вода-, цепла- і энергазабеспячэння).

У 2015 г. да раней забароненых бярозаўскія чыноўнікі дадалі абмежаванні:

бліжэй 50 м ад:

будынка суда Бярозаўскага раёну;

будынка пракуратуры Бярозаўскага раёну;

тэрыторый установаў дашкольнай і агульнай сярдняй адукацыі;

будынкаў установаў аховы здароўя і культуры;

культавых будынкаў.

А таксама:

пасадачныя пляцоўкі чыгуначных астановачных пунктаў, разьмешчаных на тэрыторыі Бярозаўскага раёну;

у грамадзкім транспарце;

на цэнтральнай плошчы г. Бярозы;

на плошчы г. Белаазёрска.

Рашэнне №719 ад 08.07.2015 зявілася на сайце Бярозаўскага райвыканкаму у канцы дня 16.07.2015 г.

У 2010 г. у Бярозе адбылося павелічэнне месцаў для збору подпісаў за кандыдатаў у прэзідэнты толькі пасля скаргі юрыста Праваабарончага цэнтру “Вясна” з Брэста Уладзіміра Малея.

“Праваабаронцы за свабодныя выбары”


Каментары